1 oktyabr tarixində Bakı şəhərində “Azərbaycan Ticarət Formu-KOBlar üçün imkanlar, mövcud vəziyyət və çağırışlar” mövzusunda forum keçiriləcək. Formun keçirilməsinin əsas məqsədi KOBların idxal və ixracdakı vəziyyətinin müzakirə edilməsi, ixracdakı payının artırılmasına dəstək olmaq, KOBlar üçün yaradılan imkanları müzakirə etmək və onların gələcək fəaliyyətlərinə dəstək verməkdir. Forum iki əsas hissədən ibarət olacaq. Rəsmi hissə və panel müzakirə hissəsi. Forumda istehsalat, idxal, ixrac, logistika, gömrük təmsilçiliyi sahəsində fəaliyyət göstərən şirkətlərin nümayəndələri, dövlət rəsmiləri iştirak edəcək. Tədbirin məqsəddlərindən biri də, yeni ticarət və investisiya imkanlarının, əməkdaşlıq perspektivlərinin müzakirəsi və Azərbaycan iqtisadiyyatının qlobal bazarlara inteqrasiyasını sürətləndirilməsinə töhvə verməkdir. Forum Paşa Holdinqin maliyyə dəstəyi, Kiçik və Orta Biznesin İnkişafı Agentliyinin və Azərbaycan Gömrük Təmsilçiliyi və Logistika Şirkətlərinin Assosiasiyasının təşkilatçılığı ilə təşkil ediləcək. Forum The Ritz-Carlton otelində keçiriləcək.
Copyright © 2024 Bütün Hüquqlar Qorunur!